一直都有追開烈火,當然係有卓sir係到我先會咁有心睇啦,每次見佢show佢既腹肌我就癲哂....哈哈...冇計我一直都係鐘意lee類型,同埋佢對識講野既眼真係冇法抵抗...今日聽同事講原來佢都算係常客,間中都會出現...嘩聽到都開心...好期望可以見到佢...講起我第一日返工竟然見到阿lam..估唔到lee間鋪仔都係明星店....

講開烈火我最心刻既係王喜想自殺既片段,果一刻令我回憶到.....雖然已經過去喇...不過好打動我,身同感受既情節~可能真係唔係咁多朋友知道,或者相信,我就好似王喜講既一樣,只係一步,就係差一步,果一刻個腦完全冇第樣念頭...只有想放棄...同朋友講返佢地都同樣講你咁硬朗開心,唔似會做傻事既人,講真...我心諗咩有時自己都搞不清楚,何況外人呢,不過回頭再睇,就知係好傻...我永遠會記得當時將我係死亡邊緣接我返嚟既人,亦都好多謝我以前男朋友,唔係佢我永遠唔識長大,唔係佢我唔會學到自立堅強,雖然獨撐係艱辛,但我學識快樂自尋...每當唔遇到唔開心我會食鐘意食既野,聽鐘意聽既歌,遇壓力我會去打boxing出下汗焗下蒸汽浴,每當我想依偎既時間我會試試去搵"你"...知道"你"未必係大家既唯一,但我已經好滿足相處既時候,雖然未知關係可以維繫幾耐,始終我都怕失去所以唔想再問,只知上次見面發覺你有唔捨得既感覺,唔知係好定係唔好...我真係好想有一日你可以堂堂正正咁同大家見面...我再唔想受到我阿媽迫去相睇既壓力.....

無論工作同感情都係,有得選擇比較,先知邊樣先適合自己,原來我係鐘意輕輕鬆鬆冇壓迫感冇壓力既感覺,嘗試做文職發覺自己唔可以坐足一日係一個空間,嘗試識有學識有財力既朋友,發覺同樣都有壓迫感好辛苦....

原來最好已經係身邊,何必再搵....如果lee句說話係佢講既係幾好呢....發返個好夢先~~~~